موقع الفرقلس
يمكنك مشاهدة جميع أقسام موقع الفرقلس ((كزائر))

لكن لا يمكنك المشاركة بالمواضيع إلا بعد التسجيل

اذا كنت تملك عضوية في موقع الفرقلس اختر ((دخول))

اذا كنت ترغب بأن تصبح عضو في موقع الفرقلس اختر ((تسجيل))

موقع الفرقلس

موقع الفرقلس الرسمي على شبكة الانترنت : WWW.FRKLS.COM
 
الرئيسيةموقع الفرقلسمكتبة الصوربحـثبريد موقع الفرقلسدليل هاتف الفرقلسلوحة المفاتيح العربيةخدمة الترجمةخريطة الفرقلسالقرآن الكريمالتسجيلدخول





شاطر | 
 

 قصة وقصيدة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
syria_nn

avatar

العمر : 25
أتقبل المزاح أتقبل المزاح :
100 / 100100 / 100

التوقيع : (( خص الرفيق اللي اذا جيت حياك وان غبت عنه ياصلك بالمودة))
نقاط : 11947
السٌّمعَة 7

مُساهمةموضوع: قصة وقصيدة   1/30/2010, 22:08

السلام عليكم ورحمة الله وبركاته
:اول شي الي بدو يقرها بدو يكون بالو طويل
يالله حيهم كلن باسمه
^
^
اليوم جبت لكم قصة النشمي دباس وأبوه الشجيع !!:
كان في واحد يقاله ابو دباس ( والظاهر اسمه محمد ) معروف بين اهله وجماعته بقوته
وشجاعته وكلمته اللي ما احد يردها ولا احد يقدر عليه
وكان عنده بنت وولد يقاله دباس .. كبر دباس وصار في العشرينات واخذ صفات كثيره من
ابوه الا انه يوم كبر سافر لبلده يقالها العينين وحالياَ هي البحرين ..
كبر ابو دباس وما صار مثل اول فصاروا الناس شوي شوي يستقوون عليه
لدرجة ان كان له مزرعه اذا جاء السيل تمر مويتة عليها وتسقي نخيلها ..
فسدوا مفرق السيل الي يجي لمزرعته ..
وقالوا ان دباس يشرب وداجن في الديره اللي هو فيها وطلعوا عليه حكي..
فضاق صدر ابو دباس على الوضع الي هو فيه
وكتب هذي القصيده لولده
:


ياونـة ونيتهـا مـن خـوا الـراس من لاهـب بالكبـد مثـل السعيـره

ونين من رجله غدت تقـل مقـواس ويون تالـي الليـل يشكـي الجبيـره

ويامـل قلـب مثـل بـن بمحمـاس وياهشـم حالـي هشمهـا بالنقـيـره

ويا وجد حالي ياملا وجـد غـراس يوم أثمرت وأشفا صفـا عنـه بيـره

من ثمر قلبي سـرى هجعـة النـاس متنحـر درب عسـى فيـه خـيـره

الله يفكـه مـن بـلا سـو الأتعـاس ومن شـر عبثـات الليالـي يجيـره

في ديـرة تقطعـت عنـه الأرمـاس سبعيـن يـوم للركـايـب مسـيـره

لا والله الا حال مـن دونـه اليـأس حـط البحـر والبـر دون الجزيـره

يا الله يا اللي رد من عقـب مايـأس يوسف على يعقوب وابصـر نظيـره

ترد علي دباس يـا محصـي النـاس يـا عالـم مـا بالخفـا والسـريـره

يا دباس بأوصيك صن درب الأدناس ترى الـذي مثلـك يناظـر مسيـره

عليك بالتقوى ترى العـز يـا دبـاس في طاعة اللـي مـا ينجيـك غيـره

هاذي ثمان سنين من رحت يا دبـاس لا رسالـة جتنـي ولا مـن بريـره

يا دباس عقبك ترى البـال محتـاس وعليك دمـع العيـن حـرق نظيـره

وعليك كني في دجا الليـل حـراس أصبح على حيلـي وعينـي سهيـره

أصبح أنا ما بين طـاري وهوجـاس وطـواري تطـري علينـا كثـيـره

مثل الوحش قلبي على كـف حبـاس يكفـخ كمـا طيـر سبوقـه قصيـره

متحر من عليـة البيـت يـا دبـاس أرجي ثواب الله وأخشـى المعيـره

أخاف من حكي العدا ثـم الأنجـاس أهـل الحكايـا الطايلـه والقصيـره

ويقـال خـلا عيلتـه عنـز الـرأس أقفـى وخـلا عيلـة لـه صغيـره

والا فأنـا يابـوك قطـاع الأرمـاس ما نيب مثبـور أو رجلـي كسيـره

آصلك لو دونك نبا حمـر الأطعـاس الصلب والصمـان ماهـي عسيـره

مهالـك مـدارك مـا بهـا أونـاس الا الثعـل والبـوم تسمـع صفيـره

لأركب على وجنا من الهجن عرماس فجا النحر يا دبـاس حمـرا ظهيـره

متروسة الفخذين مزيوعـة الـرأس كن الخـلاص عيونهـا يـوم اديـره

أو شبـه ربـدا تخفـق لـلأونـاس وان رفعـت جنحانـهـا مسـذيـره

تنشر من العوده على نـور الأنفـاس عند الفجـر والليـل مقفـي مريـره

والعصر با لصمان تسمع لها اضراس حبل الرسـن خطـر تبتـر جريـره

نهـار ثالـث بيـن حمـا والأوراس وره يمينـك جعلهـا لـك سفـيـره

ثـم علـى ساجيـة تقلـب الـرأس تمشي بأهلها فـي البحـور الغزيـره

فيها الطبيخ وراهي الخبز يـا دبـاس يقعـد خـوا الـرأس كنـة خميـره

هي ديرة اللي باغـي كيفـة الـرأس ولا له أحد همه مـن النـاس غيـره

هيس ولد هيـس للمواعيـن لحـاس يفـرح ليـا نيـدي لذبـح النحيـره

وما قفك ذا يا دباس ما فيـه نومـاس يصلـح لقيـن مهنتـه طـق زيـره

ترى الفـداوي دون وانشـد النـاس راعية مـا يذكـر بمـدح او غيـره

ما له سوى طق الحنك منه واليـاس وليا انقطع خرجه فـلا لـه ذخيـره

طلب المعيشه بالحراثـه والأ جنـاس المشترى والبيـع يوصـف وغيـره

قم انهض العيرات مع كـل فـراس يـا دبـاس دور خيـر تستشـيـره

جدك وعمانك هـل العـزم والبـأسأهل المواجيـب مكمليـن القصيـره

يا دباس ما يصبر على البق والحاس الا الـذي مالـه بنـجـد عشـيـره

واليوم يا مـروي شبـا كـل عبـاس أنت الرجا يا كعـام وجـه المغيـره

عشرين عام كلها ارجيك يـا دبـاس مثـل الغريـر اللـي تولـع بطيـره

عدل المناكب هليـع فـرخ قرنـاس يمناه فـي لطـم الحبـاري شطيـره

عانق خلوج روحت عقـب مـرواس عنـد العصيـر لبيضهـا مستذيـره

والليل جاها وحال من دونها اليـاس روحها عـل فرقـاه فـرت فريـره

يا دباس أنا يا بوك مـا نيـب بـلاس ميـر ان عيـلات الرفاقـه كثـيـره

جنبت وسط السوق وامشي مع الساس واخذ شوي الحـق وأتـرك كثيـره

يا دباس لو جبت من دحب الأكيـاس مختلفـة مــا بـيـن رز ونـيـره

ما لي بها يـا جعلهـا بألـف قبـاس او جعلها تذهـب ولـو هـي كثيـره

يا دباس قلبي كـل ماهـب نسنـاس شرقيـة هبـت بقلـبـي سعـيـره

والحال يافرز الوغى مسهـا البـاس عليـك يـا ناطـح وجيـه المغيـره

وغصون قلبي يا فتى الجـود يبـاس غـاد أنـا يابـوك كنـي هشـيـره

من شافنـي يقـول ذا فيـه لسـاس واللـي بـرا حالـي الهـي خبيـره

لا وعلا من قبـل غـوال الأنفـاس ومفـارق الدنيـا يجيـنـا بشـيـره

عسى يطق البـاب والنـاس غطـاس يـا والـي القـدرة عليـك تعبيـره

وصلاة ربـي عـد ماهـب نسنـاس على النبـي عـدة حقـوق المطيـره


:
تناقلوا الناس هذي القصيده الين ماوصلت لدباس واول ما سمعها رد عليه بهذي القصيده الي ينفي فيها كلام الناس له ..
يقول دباس :


حي الجواب اللي لفانا من الـرأس جابـه غـلام مـا توانـا مسيـره

أهلا هلا به عد ما حبـك قرطـاس او ما كتب فوقـه بيـوت شطيـره

جواب من هو لي مود مـن النـاس ابوي مـا يوصـف حلـي لغيـره

فرزا الوغى كنه على الوكر قرناس قـروم ربعـه كلـهـا تستشـيـره

دليـل عيـرات لياهـب نسـنـاس ثـم ادلهـم الجـو ومابـه ذخيـره

مهفي الغنم لأهل الركايب والأفراس لا روحوا لـه لا عليهـم قصيـره

راعي معاميل بهـا العبـد جـلاس للبـن يشـري بالسنيـن العسـيـره

هاذي بمركاهـا وهـاذي بمحمـاس وهـاذي يصبـه للوجيـه السفيـره

وخلاف ذا يا راكب فوق عرمـاس مأمونة مـن نقـوة الهجـن عيـره

حمرا وهي في سنها وقم الأسـداس متوسط لا فاطر ولا هـي صغيـره

ماهي لحوج راكبه بالعصـا قـاس حرم عليهـا غيـر شيـل النقيـره

والخرج هو وبيوت قيـل بقرطـاس مع مزهب الأيام مـا هـي كثيـره

وفوقه غلام منوته قطـع الأرمـاس لو هـو بليـل مـا تغيـر نظيـره

وليا لفيت الدار فا جهر با لأحساس وبلغ سلامي كـل ذيـك العشيـره

واختص أبوي اللي نفل جملة الناس وخصه بعلم وقـل ترانـي بشيـره

لا يا نجي العرض يا بـوي لابـاس كان تشتكـي الضيـم فأنـا أسيـره

وان سايلك عنـي ترانـي بنومـاس وانا أحمد اللي مـا توسلـت غيـره

المدح لو يشـرى شرينـاه بأكيـاس بأموالنا نرخـص نـدور الستيـره

مطرق افرنجي مضاريبـه الـراس ومصلبـخ جبتـه عسانـي ذخيـره

من صنع نصراني مشروبه الكـأس يذكـر ورى جـاوه بعيـد مسيـره

أبغيه للي حادينـك علـى السـاس أهـل النمايـم والحكايـا الكثـيـره

ربع نووا فيـك الـردا والتخسـاس مهبول يا اللي قال غايـب عشيـره

علي ديـن لـودع الجمـع ينحـاس لطين العشير يقـوم يلعـن عشيـره

ان ما سكنا الدار من غير هوجـاس والا نعـاف الـدار ونـور غيـره

كله لعينـا كلمـة قلـت يـا دبـاس تشكي وانا دونـي بحـور غزيـره

خذلك يمين الشرع قطـاع الأنفـاس انـه فـلا جتنـي علـوم بصيـره

لا نيب جاني منك حبـر بقرطـاس لأيضـا ولا جتنـي علـوم سفيـره

وان كان تشكي الضيق يا بوي لاباس جاك الفرج يا بوي هـو والبريـره

يا بوي أنا مارحت لكيفـة الـرأس مع ذا ولاني فـي سفـاه او غيـره

يا مسندي يا بوي شوف اوكد الناس ثم انشد قل ويش هو فـي مسيـره

ان كان ما يفرح صديقـك بنومـاس تحرم علينا اللـي نهـوده صغيـره

مدلول مجهول زها زيـن الألبـاس بنت الذي يثني ليـا جـت كسيـره

طار يقول اظهـر وطـار بجـلاس قمت أشرب التنباك واثـره نكيـره

أبغي عسى الله يبرد القلب يا نـاس من لا هب شبـت بقلبـي سعيـره

و الا فانا يابوي قطـاع الأرمـاس أصبر على الشده لو هـي عسيـره

ومن كان له غايب فلا يقطع اليـاسا ن قـدر الله جـاب علمـه بشيـره



ورجع دباس لابوه واهله .. وكان يمشي بالليل جنب السيل ويوم وصل لمفرقه
شاف الي مسوينه فهدم السد الي حطوه ورجع المويه لمزرعة ابوه .. فطلع له
رجال وحاول يمنعه قام وقطع يده ونطلها بالسيل..
في هذا الوقت سمع الابو صوت الماء يمشي بالمزرعه .. قال لبنته : غريبه مهيب
العاده انه اذا نزل مطر بسيط يسوي ذا الصوت قومي شوفي وش صاير ..
راحت البنت تشوف وش صاير وشافت ان موية السيل فيها دم وشوي الا تشوف يد !
قامت بسرعه رجعت وقالت لابوها : قال ابوها اجل ولعي النار وزيني القهوه ترا دباس

ولا تحرمونا من تعليقكم
اخوكم
عبدالملك عبدالله السليم
الرجوع الى أعلى الصفحة اذهب الى الأسفل
الفهد

avatar

أتقبل المزاح أتقبل المزاح :
50 / 10050 / 100

نقاط : 8731
السٌّمعَة 2

مُساهمةموضوع: رد: قصة وقصيدة   1/31/2010, 04:04

صح لسانك ياعبد الملك
والله من زمان واني بدور على هل قصيدة
بس ما عرف هذه كلماتها لمحرفه ولا لي اني اعرفها
واذا تقدر تجيبلي قصيدة الصلبي اكون للك من الشاكرين
مع تحيات الفههههههههههههههههههههههههههههههههههههههههد
الرجوع الى أعلى الصفحة اذهب الى الأسفل
syria_nn

avatar

العمر : 25
أتقبل المزاح أتقبل المزاح :
100 / 100100 / 100

التوقيع : (( خص الرفيق اللي اذا جيت حياك وان غبت عنه ياصلك بالمودة))
نقاط : 11947
السٌّمعَة 7

مُساهمةموضوع: رد: قصة وقصيدة   1/31/2010, 17:02

القصيدة التى فكت رقبة الصلبى من الرشيد


الفهد هل هذا ماتبحث عنه
الرجوع الى أعلى الصفحة اذهب الى الأسفل
الفهد

avatar

أتقبل المزاح أتقبل المزاح :
50 / 10050 / 100

نقاط : 8731
السٌّمعَة 2

مُساهمةموضوع: رد: قصة وقصيدة   2/1/2010, 00:56

تشكر عبد الملك

الصلبي الي ذبح ولدو
يقول في مطلعها
ياراكب الحمره لهل كور شدي
قم ياوليفي وعتلي فوق هياف
ونسف عليها الخرج حين تمدي
عاشهرتن تقطع الدو بسلاف
ولكم جزيل الشكر والحترام
الفههههههههههههههههههد مشكور مشكور مشكور
الرجوع الى أعلى الصفحة اذهب الى الأسفل
 

قصة وقصيدة

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1



صلاحيات هذا المنتدى:لاتستطيع الرد على المواضيع في هذا المنتدى
موقع الفرقلس :: ۞ ديوانية الفرقلس ۞ :: خواطر و أشعار و قصص قصيرة-