اكلات من الفرقلس

16/10/2007, 5:08 pm

هذا الباب نسلط الضوء فيه على أكلات كانت مشهورة بالفرقلس

نرجو من السادة الأعضاء ممن عنده أي معلومات عن أكلات قديمة أن يتفضل بتزويدنا بها ويفضل أن تكون المشاركة على الشكل التالي وذلك لزيادة المعرفة بالأكلة

اسم الأكلة :المجدرة

المكونات : برغل عدس بصل مفروم زيت

طريقة التحضير :يسلق العدس ويضاف علية البرغل ويفضل ان تكون كمية الماء ضعف حجم البرغل (او حتى تنصب الملعقة) وبعد ان يستوي البرغل يقلى البصل بالزيت بمقلاة خاصة ويضاف إلى المجدرة

معلومات عنها :كانت تؤكل يوميا تقريبا على العشاء وكان وقت البدء بالطهي (علوق الطبيخ) بعد العصر وكان حينها لا يوجد ساعات فكان الأهالي يستعينون بالظل (ظل جدار او بيت او القبة....الخ)عندما يصل هذا الظل لمكان معين كان وقت علوق الطبيخ وكان تطهى على الموقدة وعند صب الطبيخ يزال القسم اللاصق بالطنجرة (الحكاكي ) وتصب لوحدها اما ان توكل من قبل البشر او يطعمونها للكلاب او الدجاج

توكل المجدرة مع البصل او اللبن او المخلل او السلطة واحيانا مع الخبز

صحتين وهنا

نقلا عن ستي

17/10/2007, 6:05 am

شكرا على هالمعلومات وراح اشوف ستي يمكن عندها اكلة اطيب

17/10/2007, 7:01 am

ياعيني على هالأكلة ولا أطيب من هيك..

يسلمو ابن الفرقـلـــــــــــــــــــــــــــس..

17/10/2007, 8:58 am

شكرا ابن الفرقلس فتحت شهيتنا للأكلات القديمة

وهاي اكلة ثانية ساشرحها حسب طلبك

اسم الأكلة :البرما

المكونات : حصة لحم بعظمو (كراديش) حنطة وذرة صفراء مدقوقة بالجرن الحجري

طريقة التحضير :تجهز الذرة الصفراء والحنطة وتوضع مع كراديش اللحمة والماء بالجرا (خابية فخار وتغطى فوهة الجرا بقطعة قماش ومن ثم تطيينها ) وتوضع الجرا بمحتوياتها على ملال التنور(بقايا جمر التنور) مساءا وتترك إلى الصبح حيث تنضج كامل محتويات الجرا بهدوء وبتوزيع جيد للحرارة (اكيد صارت نيفا وتوكل زلط جيدة للختايرية وكبار السن وياللي سنانو تعبانه )

معلومات عنها :تؤكل صباحا على الفطور وتصنع للضيوف الخصوصيين او تصنع بعد شراء حصة لحم (ولاشة) او بعيد الاضحى نظرا لتوفر اللحم
توكل البرما مع البصل او الحشائش الخضراء المتوفرة وأحيانا مع الخبز

صحتين وهنا…. وأحلى صباح
صباح البرما

18/10/2007, 9:44 pm

شكرا لكم على هذا الباب وهناك أكلات قديمة كثيرة وما زال بعضها يؤكل

الرجاء ممن عنده جدة أو أم تعرف تحضير الأكلات التالية لا يحرمنا منها

1. العروق على التنور
2. لبنية حنطه
3. لبنية حنطه وصفرة
4. طبيخ رخو
5. طبشيش
6. محروق اصبعو
7. عصيدة
8. لزاقيات (حلويات)
9. رشتاية
10. مكمورة
11. دبابه
12. شاكريه بهقط
13. دفين (لحم مع البرغل)
14. فتة دبس
15. فتة شنينة
16. فتة بندورة
17. فتة كشك
18. كشك على مجدرة
19. كشك مقلى بالزيت
20. فريكة
21. مرقة حلوة على ديك عربي
22. شقيق باذنجان مع شقيق بندورة (قريب للمطبق والمنزلة )

20/10/2007, 12:40 am

كأنكوا ناسين الشوش برك (ابو ذان)

20/10/2007, 1:26 am

موضوع حلو كثير

انا بعرف بعض الطبخات القديمة وبعرف اكلها بس للاسف ما بعرف شلون بتصير
مثل الهميس
الجظ مظ طيبة مع خبز التنور
مفركة الكوسا مع البيض
مجدرة الكشك مع الثوم و البصل الاخضر تؤكل صباحا علشان تروح على شغلك ريحتك فايحة
كوسا سلاحية مع الطماطم
بطاطا مع البيض
اما المحاشي فهاي مقتلي
اما فتت المقادم و السختورة وصحن لسانات هذا للغوالي بس
والشاكرية باللبن العربي و لحمة خاروف من غير حلفان نزلتني من الكويت لسوريا تغديتها و رجعت ثاني يوم

22/10/2007, 7:29 pm

شاكريا وبس

اهم اكلا اكلت العزايم

وبـــــــــــــــــــــــــــــــــــــــــس!!!!!

25/10/2007, 1:34 pm

اطيب اكلت اكلت كبي ني كوسا بل لبن يبرق دوالي وابعد بيض مسلوق بطاطة مقلي وزيت وزعتر ببببببببببباااااااااايييييييي

7/11/2007, 12:39 am

فتحتوا شهيتنا عالاكل مشكورين

والله يعطيكم الف عافية

11/2/2008, 8:20 am

وين طريقه الطبخ للأكلات الي ذكرها الاستاذ ابو قاسم ؟

وباقي الطبخات الشعبيه ب البلد

على كل حال الله يعطيكم العافيه

6/3/2008, 6:08 am

5/4/2008, 12:52 pm

المزنرة

اكلة بسيطة

تلف البصلة الخضراء على خبز الصاج او العادي و تلتك بالملح

و تأكل

بالهناء و الشفاء

اكلة بسيطة مو هيك

ابتسامة

5/4/2008, 9:05 pm

اه يا شباب.... مجدرة البرغل والرز والشاكرية باللحم

5/4/2008, 9:17 pm

يا سلام عليكم يا شباب والله شهيتونا على شي اكلة من هالاكلات القديمة

27/6/2008, 7:08 am

نسيتو الشنكليش يا شباب

وعلى اسعار القريشة هالايام صار قرص الشنكليش اغلى من علبة جبن لا فاش كيري

استغراب

22/10/2008, 5:49 am

فعلا اكلات طيبة ومازالت تنطبخ لهاق بس انا ما كنت حبها ومرة نزلنا عسوريا لقيت جدي عمياكل كشك وبقلبو مجدرة برغل فعلا اكلة طيبة بلبداية ترددت بس بعد اقناع اكلت صحنين يا حزين جربوها سهلة بتنطبخ لمجدرة لحال وبينغلى الكشك لحال بعدين بنسقط المجدرةبقلبو وصحة وهنا. بنت

24/10/2008, 3:20 pm

اكلات طيبة وبسيطة ولا تؤذي المعدة

بس قليل اكلها هالايام

بنات هالجبل او نسوان هالجبل مطولات لايجيبن خدامات

بكاء

30/10/2008, 5:09 pm

شكرا لكل من شارك بهذا الموضوع

ومن الاكلات الشعبية وخصوصا بفصل الشتاء البطاطا والبصل المشوي بالصوبيا مع الملح والكمون

شو راي الشباب

اندهاش

1/11/2008, 4:35 pm

شكرا ابن الفرقلس والله جبت على بالي البطاطا والبصل المشوي بالليل والصبح اكلة الكشك على طبيخ برغل