اللغة الانجليزية هي الشيئ الوحيد اللي كنت اكرهو بالمدرسة وكنت حس الوقت واقف مايمر كتر ماكانت هالحصة تقيلي علي..

شغلة كنت رافضها ولا متقبل فكرتها نهائياً واحكي ماحنستفيد منها واحنا لغتنا عربية ولغة اسلام واقعد اتفلسف بكلام فارغ واقنع حالي اني مااتعلمها..

بجد شي لايوصف ولا يطاق..

بتزكر مرة سالني المدرس وأنا سرحان كعادتي بدرس الانجليزي عن معنى أحد الكلمات وبالصدفة يمكن طلعت الكلمة الوحيدة اللي بعرفها المهم جاوبت وبالفعل الاجابة طلعت صحيحة..

مو هون المشكلة المشكلة انو المدرس تفاجئ قبل الطلاب اللي مابعرف كيف صارو يتطلعو فيني لأن ماحدا كان متوقعني اني جاوب واللي يحكي بتدرس من ورانا واللي يحكي مابعرف شو.. والله بدون مبالغة ياشباب..

وكانت تجي الإختبارات نهاية العام ومشي حالي فيها تمشاي بالاختيارات بالحظ بالغش يعني مابخبي عنكن المهم اني جيب درجة النجاح والحمدلله اني كنت انجح او كانو ينجحوني فيها الله اعلم المهم مرت الأيام واجت الفاجعة الكبرى..

والله ياشباب اني صرت اتندم عالساعة اللي ماتعلمت فيها هاللغة صرت احتاجها وين مارحت وين ماسفرت حس حالي مابعرف كيف يمكن الله سبحانه عاقبني عغشي وصرت انحط بمواااقف لاتتخيلونها حتى انو مجال دراستي اللي درستها بدون لغة لايساوي قشرة بصلة كما يقولون..
والحمدلله على كل شي فصرت حاول اني اتعلمها شوي شوي واكتشفت انها سهلة بس للأسف لافات الفوت ماينفع الصوت لأن الكل بيعرف انو العلم بالصغر كالنقش على الحجر يعني ماعاد نستوعب ولا عاد النا خلاق..
آسف عالإطالة وعالخروج من الموضوع بس حبيت اني بري زمتي بلكي بيجي حدا بيوم من الأيام متلي مابيحب هاللغة وبيستفيد من تجربتي لأن أنا وبصراحة يمكن ماكان في حدا يوعييني عاللي كنت اعملو والله يسامح الجميع يمكن احنا كعرب مدرسينا مابيفهمونا هالشغلات همهم الوحيد يفوتو عالحصة ويلا بلشنا بالدرس..

يمكن من المهم برأيي انو الطالب يحب الشي اللي بدو يتعلمو قبل مايبدا في..

فعندما تحب شي وتعشقه تبذل كل مابوسعك ومهما كلفك لتحقيق غايتك في سبيله..

عالعموم الحمدلله على كل شيئ وماحدا بياخد غير نصيبو من هالدنيا..

اللهم علمنا ماينفعنا وانفعنا بما علمتنا وزدنا علماً..

(من اجتهد فأصاب فله أجران ومن اجتهد فأخطأ فله أجر واحد) انا هون رح حاول لخص ماكتبه الأخ ابراهيم وحسب لغتي اللي مو كتير وبتمنى من الأخ ابراهيم أو أي أحد من الأخوة انو يصححلي كي أستفيد و يستفيد الجميع بإذن الله وهيك من كون ضربنا عصفورين بحجر..

فهو يحدثنا في موضوعة عن أفضل اللحضات في الحياة ويذكر :

- الوقوع في الحب

- الضحك حتى تؤذي المعدة الخاصة بك (من جد ضحكتني بهي يعني مو لهالدرجة)

- (هي مازبطت معي)
- الاستماع الى أغنية مفضلة لديك على الراديو

- عندما تذهب الى النوم وتستمع الى مطر غزير بالخارج

- (كمان مازبطت فهمت انو تطلع من حمام بخار او هيك شي..)

- أن تحصل على درجات جيدة في الامتحان النهائي الخاص بك

- (كمان مازبطت بس انو تحصل محادثة مهمة او هيك..)

- أن تحصل على بعض النقود القديمة

- ان تضحك بينك وبين نفسك

- مقاسمة العشاء بينك وبين اصحابك

- ممكن تكون (الضحك بدون سبب)

- أن تستمع بالصدفة الى احد الأشخاص وهو يمدحك بكلامه

- مشاهدة الغروب

- تستمع لأغنية وتذكر شخص مهم بحياتك

- تلقي واعطاء قبلة اولى منك

- (مو كتير كمان بس انك تشعر بجهودك يوم بتشوف احدهم تميز منك..)
- بعد وقت كبير مع اصدقائك

- رؤية من تحب وهو سعيد

- لبس قميص من تحب واشتمامه

- زيارة صديق قديم وتذكر الذكريات

- استماع الى بعض من يقول لك (احبك)

"الأصدقاء الحقيقيون من يأتون في الأوقات الحلوة وعندما نطلب منهم وياتون في الأوقات السيئة دون دعوى"

تقبلو مروري ومن ثم إطالتي..