أرجو من موظفي البلدية الكرام السعي في ازالة المثلث الواقع في ساحة الفرقلس و وضع مكانه دوار صغير أعتقد أن ذلك سوف يكون أجمل ........الله يعطيكم العافية ..موفقين

اقتراح مناسب او حتى ازالة المثلث بشكل كامل

واشكر الاخ صاحب الاقتراح ولنجعل المنتدى بابا للاقتراحات البناءة لا لكيل الشتائم

واتوقع ان البلدية ستعالج هذا الموضوع بكل مسئولية

والامر المهم بهذا السياق هو معالجة اعمدة الكهرباء والهاتف التي اصبحت داخل الشارع بعد تعريضه

معك حق أخي أبو القاسم لازم نكون اخوة وأحباب و ايد وحدة حتى نرتقي للأحسن وشكرا لتأييدك

الســـــــــــلام

طيب فكرة رائعة جدآ بس سؤال كم صار عمر المثلث الموجود حاليا

انا بقول لو صار عمره اكثر من عقدين خليه بيكون نـــوع من ماتبقى من الماضي القريـــب

مشعل قطر كتب:

الســـــــــــلام طيب فكرة رائعة جدآ بس سؤال كم صار عمر المثلث الموجود حاليا انا بقول لو صار عمره اكثر من عقدين خليه بيكون نـــوع من ماتبقى من الماضي القريـــب

لاحدا يفكر ان المثلث صار بمكانة برج بيزا او برج ايفل

بعدين بي شركات مختصة بنقل الابنية الاثرية يمكن نقلو بسهولة

يابلدية فضو هالساحة شوي الله يفضيها عليكو

لو وضعنا بدل منه دوار و ساعة عقارب او الكترونية او سبيل مياه

افكار حلوة

بس بتوقع ازا البلدية هذيك المرة اشتكو من قلة المازوت في تركتر الزبالة
فما بالك بصنع او ازالة مثلث الفرقلس العظيم

اللي بده يقترح و اللي بده يوافق
قبل ما يحكي يمد ايده علجيبة

ما بتوقع ميزانية البلدية كافية لهيك امور

بس المهم من الاهالي مايفطنو على الصرف الصحي و المياه بعد التزفيت والمثلث اجمل من الدوار بس اذا بينعملو اشويت تعديلات ولاننسا الحديقة خاصة وانها في الول البلد [ وجه السحارة بيعبر عن السحارة] بلا ماخذي لازم نعتني بيها وخاصا انو صار بيها ماء مشكورين كل من ساهم في هذا الموضوع مشكور

ياريت شي متبرع ينزل لنا صور الشارع العام بعد هالزفت وهالتصليح

نهار الاربعاء بتاريخ
23/12/2009
بلشو تزفيت
الموقع الثاني منزل صور
ليش مانزلته صور وين المسؤولين على الصور
عمر بالعادة بصور

الظاهر ان الشباب قايمبن الصور حتى ينتهي الزفت ويبلش يتخفر

الحمد لله انتهى الزفت
و الله يعطي العافية المتعهد و رئيس البلدية
رح اقلكم مشكل صغير صار بالزفت
بعد عودتي من العمل وجدت ان الزفت (( زفت )) و صارت مناقشات ليش الزفت بهذه الحالة
و واجهتني امتعاضات العديد من الموجودين
الى حين قرر المتعهد اصلاح الزفت الذي يحتوي عيوب و في اليوم الثاني قام و اصلاح العيوب
انا امتلك الصور بالزفت قبل اصلاح العيوب
و بعد
المهم
بعد ما حكيت مع رئيس البلدية و المتعهد كان اجاباتهم باصلاح الزفت حتى يظهر باجمل ما يمكن عمله
و الحمد لله تم اصلاح الزفت الجديد
انا رح انزلكم صور
اثناء عملية قص الشارع و لغاية حالة الزفت الحالي
بس غدا ان شاء الله
و اخيرا
عرفتلكم عطل الفرقلس وين
العطل من اهل الفرقلس نفسهم
يعني الواحد بيشوف الغلط و بيسكت
و هذا الغلط بحد ذاتوا
شوف الغلط و احكي مع المسؤول عن الغلط
يعني مثلا
قلت لواحد من البلد
ما شفت هل الشي قلي ما بيهمني هل الموضوع
قلتلوا و الله الي ما بيغار على بلدوا بيجوز ما يغار على ...... و كلكم فهم
هون المشكل
الكل بيقلك ما بيهمني الامر
يا ترا نستورد كم واحد من دير عطية بيهمهم امر بلدنا اكثر
اسف ان جرحت شوي بس هذا واقع

ممكن كلامك صحيح
بس ياعمر
عنا البحكي على الغلط بصيرو يحكو عليه

مشكور اخ عمر على جهودك