بسم الله الرحمن الرحيم
اولا : هذا عنوان منقول نصوا من الجزيرة لكن حبيت اعدل هيكل و احط الفرقلس
بلدة الفرقلس هي من افضل القرى المجاورة و سبب ذلك سكانها و المنطقة الاستراتيجية التي تتمتع بها
لكن في السنوات الثلاث الاخيرة تغيرت بشكل مخيف و الله يسترنا
و رح اعطيكم امثلة واقعية بالفرقلس و مقارنة من وجهة نظري الشخصية
-1كنت وقت تسمع انوا فلان ما راح على صلاة الجمعة هي بتكون شغلة عظيمة بالنسبة الو
هلق بيمر من جنب الجامع بصلاة الجمعة و لا تقول انوا فرض عليه يفوت و يصلي
2- نسبة الكفريات (( و التفاخر بالكفريات )) اصبحت من المظاهر الاعتيادية بالفرقلس ما السبب و هلق بتقولوا اي ولا لاء انا باكدلكم انوا نسبة كبيرة من شباب و اطفال الفرقلس صاروا هيك
3- شرب المحرمات (( الخمر- البيرا - الوسكي )) صار بعض بهل الموضوع و لا اعمم لكن النسبة ازدادت بشكل رهيب هذه الايام و الله بيتفاخروا انوا راح عل المكان الفلاني و شرب
5- الحسد (( حدث ولا حرج )) يعني الله يعزكم ان شافوا واحد راكب على حمار بيقولوا منين جابوا و الله لجيب واحد مثلوا و احسن :confused:
6- تفرج على اطفال الفرقلس اسال من 3-5 سنين كم سورة من القران حافظ و كم مسبة حافظ بتعرف انا عن شوا عم احكي
7 - امسك جوالات الشباب اتفرج كم مقطع خلاعي بتلاقي بقلبوا
9- اقعد قعدة شارع و خلي شي واحد يمر و بعد مروره شوف فتته النميمة بالسمن البشري الصافي شقد رح يحكوا عليه
10- روح على شركات الغاز القريبة بالفرقلس و اسال بتشوف وضع بتحزن عليه
11- انا اتوقع ان كان يطلع طبيب او مهندس كل سنة من الفرقلس مارح تلاقي هل الحكي خلال السنين القادمة و مثل ما بيقولو بكرا بيذوب الثلج و بيبان المرج و بتعرف نتائج البكلوريا و التاسع
12- انا مارح ازيد على هيك بس الي عندوا شك بكلامي بعطي على كل بند 50 مثل
و اخيرا انا عم احكي عن نسبة و ليس عن الكل
يعنة مثلا هذه المظاهر كانت موجودة سابقا لكن بنسبة ضعيفة جدا لكن ازدات هذه النسبة في الفترة الاخيرة بشكل مخيف
لا تواخذوني على الاطالة و على الكلام الي ما بيسر لكن انا بكتب واقع و صحيح مشاركاتي قليلة جدا بالمنتدى لكنني متابع يومي و ما بحب اني اشوف الفرقلس اجمل بلد

مشكورين

اول سمعة

انا بعرف كم واحد عونطجية بالبلد

بس اغلبهم أكابر

هدا اللي ممكن قولو

البلد تعداها 7000 تقريبا

شقد بتقدر نسبة العوتطجية يا شرشبيل

سواح كتب:

اول سمعة انا بعرف كم واحد عونطجية بالبلد بس اغلبهم أكابر هدا اللي ممكن قولو البلد تعداها 7000 تقريبا شقد بتقدر نسبة العوتطجية يا شرشبيل

وكلامك انا موافق عليه ان نسبة العونطجية قليلة الا ان تاثير هذه النسبة على المجتمع كبيرة

على قولتهن

100 معطر مابيروحو ريحة ؟؟؟؟؟ وفهمك كافي

شكرا اخ شرشبيل على هذا الموضوع القوي والجيد

استوقفتني هالجملة المبهمة

اقتباس:

- روح على شركات الغاز القريبة بالفرقلس و اسال بتشوف وضع بتحزن عليه

شو هوي هالوضع المحزن يا شرشبيل؟؟

أبوهارون كتب:

استوقفتني هالجملة المبهمة اقتباس: - روح على شركات الغاز القريبة بالفرقلس و اسال بتشوف وضع بتحزن عليه شو هوي هالوضع المحزن يا شرشبيل؟؟

الوضع المحزن هو إنو الكل بيقول وبيعمل بالمقولة اللهم نفسي
أنا عملت فترة بشركة الغاز وبعرف يلي بيقصدو شرشبيل
الكل واقف للثاني على ممسك منشان يمسكو عليه
أو منشان يطقلو شي برغي
أو يكسرلو شي برغي من البراغي يلي ظلنلو
أو يلي قدر يحافظ عليهن كل هاي الفترة

ابو يحيى كتب:

شو لهل درجي الشباب بحبه بعض بشركة الغاز خيو يعني بدك تقول انه الشباب بشركة الغاز مثل الشباب بالمصفح ولا احسن شويه

والله مافهمت شي ممكن توضح أخ أبو يحيى

ما بدها شرح يا حفيد الذيب
يعني بالمختصر المفيد
الشاطر الي بطير واحد من اهل البلد بشركة الغاز من شان يظل هوي
واذا بطلع بيده يقلعك من شغلتك وهوي يستلم بدالك ما بقصر بيك
بسويها وما بدور وراه

ابو يحيى كتب:

ما بدها شرح يا حفيد الذيب يعني بالمختصر المفيد الشاطر الي بطير واحد من اهل البلد بشركة الغاز من شان يظل هوي واذا بطلع بيده يقلعك من شغلتك وهوي يستلم بدالك ما بقصر بيك بسويها وما بدور وراه

صح لسانك أبو يحيى والله أكثر من مضبوط
ولك حتى بجوز مايكون متعلم وبدو يصير مدير مشروع أو صاحب شركة ليد
وعلى فكرة شركة ليد
الهم الاكيد
لا عطلة
ولا عيد .
......
...........
.............
...............
..................
...................
.........................
...............................
.................................
........................................
مضبوط ولا أنا غلطان

هاي الفرقلس وهاي اطباع اهلها من خلقت الدنيا يعني شو الجديد بالبلد اذا كانوا بالمصفح والا بالمريخ لازم يحسدوا بعض ولازم يتكالبوا ويتآمرووووووووووووووووووا عشان قطع رزق اي واحد من البلد او توقيف معدة او تخفيض الاجرة او الطعن بالظهر المهم هذا مو جديد علينا شوف الشباب عميسرقوا الديزل من المعدة الواقفة جنب الطريق والله يسترنا من هيك حثالاااااااااااااات

السلام عليكم
اول شي بجوز الحكي صحيح
بس انا بأيد انوا انلاقي الحلول ان استطعنا
فبقى شو الحلول
؟؟؟

ممكن إننا نلافي الحلول بس ممكن مانلاقي مين يطبق هالحلول
وبعدين متل ماني شايفك أخ عمر رايح تقول لأننا قلناها قبل هالمرة
تي تي تي تي متل مارحتي متل ماجيتي
وإسئل مجرب ولا تسأل مبعد (حكيم)

سا لمين كتب:

هاي الفرقلس وهاي اطباع اهلها من خلقت الدنيا يعني شو الجديد بالبلد اذا كانوا بالمصفح والا بالمريخ لازم يحسدوا بعض ولازم يتكالبوا ويتآمرووووووووووووووووووا عشان قطع رزق اي واحد من البلد او توقيف معدة او تخفيض الاجرة او الطعن بالظهر المهم هذا مو جديد علينا شوف الشباب عميسرقوا الديزل من المعدة الواقفة جنب الطريق والله يسترنا من هيك حثالاااااااااااااات

يا اخي شو كلاب وذياب كلنا بشر هون واللهـ يهدي الجميع

ما بصير تحكي على الناس بهذا الاسلوب

يعني لو دخل شي واحد على الموقع ويكون غريب عنا شو بده يقول

اعذرني يا اخي على الكلاااام

مشعل قطر كتب:

سا لمين كتب: هاي الفرقلس وهاي اطباع اهلها من خلقت الدنيا يعني شو الجديد بالبلد اذا كانوا بالمصفح والا بالمريخ لازم يحسدوا بعض ولازم يتكالبوا ويتآمرووووووووووووووووووا عشان قطع رزق اي واحد من البلد او توقيف معدة او تخفيض الاجرة او الطعن بالظهر المهم هذا مو جديد علينا شوف الشباب عميسرقوا الديزل من المعدة الواقفة جنب الطريق والله يسترنا من هيك حثالاااااااااااااات يا اخي شو كلاب وذياب كلنا بشر هون واللهـ يهدي الجميع ما بصير تحكي على الناس بهذا الاسلوب يعني لو دخل شي واحد على الموقع ويكون غريب عنا شو بده يقول اعذرني يا اخي على الكلاااام

شو قصدك بكلاب وذياب سيد مشعل

لو دخل شي واحد غريب بيكونو أهل الفرقلس يلي بيضلو يتقاتلو
عبرو أو وصلو هالصورة المليحة ع طبق من ذهب
ولا يعني خايف على إقتصاد الدولة الفرقسلية ماتنقطع ميزانيتها من قطاع السياحة
خيو هاي قطاع الغاز وقطاع ليد بيكفيكو
وبيغطي مصاريف الشعب

ابو يحيى كتب:

حفيد الذيب شو الها علاقة الميزانية بالحكي هههههههههههههه عليك سوالف يا رجال تعى اليوم خلينا نشوفك

شلون شودخلها مانك شايف شو كتب مشعل قطر بعدين يلي بيقرا بيبطل يجي ع الفرقلس وبالتالي بينتزع الإقتصاد الفرقسلي
وبعدين لوين بدي أجي لأني عن جد مابعرفك

بتضل الفرقلس حلوة هيي واهلها ايش ماكانت

بعدين الحمد لله كل مشاكلنا حكي بحكي بعيدة عن لغة السلاح والقتلى

اغلب الامور اللي تطرق لها شرشبيل لا يمكن ان يحلها سوى الله

بالحكمة و الموعظة الحسنة يمكننا ان نساعد بعض

يمكنك الاستماع الى الدروس الدينية :

اما بالجامع او بحديث الخميس و الجمعة على القناة الأولى

او بالاستماع الى اذاعة صوت الشعب الساعة الخامسة صباحا على الفترة الدينية

او يشتري دش و ينزل عليه قناة اقرأ و الرسالة

سواح كتب:

اغلب الامور اللي تطرق لها شرشبيل لا يمكن ان يحلها سوى الله بالحكمة و الموعظة الحسنة يمكننا ان نساعد بعض يمكنك الاستماع الى الدروس الدينية : اما بالجامع او بحديث الخميس و الجمعة على القناة الأولى او بالاستماع الى اذاعة صوت الشعب الساعة الخامسة صباحا على الفترة الدينية او يشتري دش و ينزل عليه قناة اقرأ و الرسالة

شو دخل هاي بهاي يخي إشو فصك إنتو الشباب مابتفكرو غير بالمورك

ستي إسمها مها كتب:

شو دخل هاي بهاي يخي إشو فصك إنتو الشباب مابتفكرو غير بالمورك :

لايكون انو كان ينوي كتابة


شو دخل هاي بهاي يخي إشو قصدك إنتو الشباب مابتفكرو غير بالمورك

وهيك تغير المعنى بشكل كامل

والله يا شباب بحب اقول كم كلمة انه سمعت اهل الفرقلس بلغربة سيئة للغاية وغير هيك مثل ماسمعت انه بشركة الغاز كمان فمعناته انه الاغلبية طبعا مو الكل مو كويسيين على بعض وطبعا من المعروف عن اهل البلد كثر الحكي على الناس فلان سوى وفلان عمل طبعا هي اسوء شغلة باهل البلد ولا زم الناس تتقي الله من غير شي الحاله عم تصعب على الجميع وعلى الجميع نشر الوعي واخلاق الدين الاسلامي لعلا وعسا انه هشباب تندها الى طريق الخير وتقبلو مروري وشكرا الكم

العدي2 كتب:

والله يا شباب بحب اقول كم كلمة انه سمعت اهل الفرقلس بلغربة سيئة للغاية وغير هيك مثل ماسمعت انه بشركة الغاز كمان فمعناته انه الاغلبية طبعا مو الكل مو كويسيين على بعض وطبعا من المعروف عن اهل البلد كثر الحكي على الناس فلان سوى وفلان عمل طبعا هي اسوء شغلة باهل البلد ولا زم الناس تتقي الله من غير شي الحاله عم تصعب على الجميع وعلى الجميع نشر الوعي واخلاق الدين الاسلامي لعلا وعسا انه هشباب تندها الى طريق الخير وتقبلو مروري وشكرا الكم

معناتو العطل بشباب الفرقلس مو بالغربه

السلام عليكم الامور بخير انشاءالله وتفائلو بالخير تجدوه ابناء البلد بالغربه الله هوالرزاق الكريم اللهم ارزق الجميع بقدر محبتهم لك وبقدر محبتهم لبعضهم 0امااولاد الفرقلس اقترح بدل البرم بالشوارع من جمعيه البر تضع برنامج للصلاه وتحفيض القران الكريم وتضع جوائز للذي يحفض اجزاء كامله ولاينقطع عن اي صلاه ولو واحده الا بعذر شرعي وللله العزه وللمؤمنين والسلام عليكم

الى الاخ شرشبيل اول شي اسم شرشبيل بدل على الشر والحسدوالكره وهوي شخصية مكروهة لدى الاطفال فالافضل انو تغير لقبك للقب محبوب ثاني شي كل مجتمع حتى لو كان صغير مابيخلى من السلبيات وفيو كثير من الايجابيات واني براي وبراي كثير من الناس ذكر الايجابيات بشكل متواصل بساعد الجيدين على انو يسعوا ليصيروا احسن والسيئين حتى يقتدوا بالجيدين ليغيروا اسلوب حياتهو للاحسن لانو مافي انسان مابحب يكون هوي الاحسن ولما السيئ بشوف انو مقياس الاحسن هوي ذكر الاعمال الجيدة اللي عم بقوم فيها الغير واعمالو مابتنذكر وماحدا بيثني عليها اكيد رح يسعى ليصير احسن مشان هيك احنا بندعو جميع الاباء والامهات انو يراقبو تصرف اولادهو حتى لوصارواكبار ويحاولو يوجدوا الاساليب الناجحة لتغيير اولادهو للاحسن واذا كان مابيعرف يسال لانو السؤال مو عيب ومايسأل حيالله واحد بل يسال اهل العلم ولاختصاص وانشالله بتصير بلدنا مفخرة لالنا وين مارحنا ونسمع ذكرها من الناس الاخرين ونرفع راسنا ونقول هاي بلدنا احنا من الفرقلس ويااحي لاتزعل من كلامي بأول التعقيب لانو بحب اشوف رمزك او لقبك احلى وبيرتحلو القلب دغري واني ماعندي شك انو اللي خلاك تحكي هوي غيرتك على بلدك ورغبتك انو تكون هيي الاحسن عطول الزمن

شباب السلع ممكن يكونو اوفر حظا من غيرنا لاسباب نعتذر عن كتابتها

اشو رايكو بجماعة الغاز بالفرقلس

تيتي تيتي مثل ما رحتي مثل ما جيتي
ما في حل
غير كل واحد يغير حالوا للافضل
و في مثل بيقول
الفلوس بتغير النفوس
اللهم لا تجعل نفوسنا تتغير الا على الافضل
و نعمل بتقى الله
و في مثل ثاني
قال الشجرة المثمرة ترمى بالحجارة
و ان كنت تضرب من الخلف فاعلم انك في المقدمة
يعني هلي عم يطق براغي كما تقولون
بيكون من اشباه الرجال و هو رجل جبان لا يستطيع المواجهة لذلك الامر بيستزلم بهل امور هي
فبقى كل واحد عانى من هل المشكلة لا يفكر فيها كثير
و الرزق من عند الله عز و جل
و الواحد ما بياخذ غير رزقتوا
و ان وقفت عن الشغل في مكان فهو خير لك باذن الله عز و جل
و اعلم دائما ان الخير فيما اختاره الله

علي كتب:

اشو رايكو بجماعة الغاز بالفرقلس

على هوى ما سمعنا واحدهم ما برتاح غير اذا طق كم برغي بس مو الكل البعض

ابو يحيى كتب:

علي كتب: اشو رايكو بجماعة الغاز بالفرقلس على هوى ما سمعنا واحدهم ما برتاح غير اذا طق كم برغي بس مو الكل البعض

ياللي شغلتو طق البراغي بانصحو يشتغل بالصناعة

السلام عليكم ورحمة الله وبركاته
ملاحظين ياشباب بنسبة الى سالمين ولا مرة
شاراك بأي موظوع غير يهزء ابناء الفرقلس ويبهذلهو
بس لو اعرف ابناء الفرقلس شو مساوين ألو حتى بيكرههو كل ها الكره

الله يعطيك العافية اخ طراقة انا بأيدك بهالموضوع مية بالمية

هيك كتب الاخ طراقة

السلام عليكم ورحمة الله وبركاته
ملاحظين ياشباب بنسبة الى سالمين ولا مرة
شاراك بأي موظوع غير يهزء ابناء الفرقلس ويبهذلهو
بس لو اعرف ابناء الفرقلس شو مساوين ألو حتى بيكرههو كل ها الكر
انا براي انه نشوف الاخ سالمين اول شي انت من الفرقلس يا اخ سالمين وبجميع الاحوال شو السبب اللي بخليك دائما تسيء لاهل الفرقلس سواء كنت منها او ماكنت منها مو حلوة بحقنا ولا بحقك هذا الكلام يا اخ سالمين بتمنى انك تعيد النظر بكلامك بلنسبة للاخ دواس الليالي فورا جيت مؤيد للاخ الغالي طراقة على كل حال مشكوريين ياشباب والله يديم المحبة وشكرا