[size=18]السلام عليكم
يشتهر مجتمعنا الجميل بعدة مظاهر تجعل منه مجتمع جميل لا مكان للمل والضجر فيه
ونذكر منها مثلا :
احد المظاهر الكثيرة والشهيرة هي( النوم )
الشخص يبقى نائما حتى فترة الظهيرة وربما تزداد حتى فترة ما بعد الظهر (العصر)
فان هاذا الشيء احدى هذه المظاهر الممتعة الموجودة في واقعنا
فلا يواجه الشخص العناء في النوم حتى ذلك الوقت
وهاذا المظهر الذي لايوجد في كثير من مناطق مجتمعنا
ونذكر ايضا مظهر اخر وهو الروتين اليومي بعد النوم يرى الشخص نفسه في غاية الحيوية فينظر الى الساعة فيجد ان الوقت مبكرا فيحاسب نفسه لماذا استيقظ في هاذا الوقت
فيسلم بل الامر الواقع فينهظ
وقبل ان يقوم بعمل اي شيء بدلا من ذكر الله فهو وبسرعة فائقة ينظر الى علبة السجائر لديه هل بقي منها شيء او قد استهلكها جميعا في سهرة البارحة
فياخذ بلمحة خاطفة كلمح البصر سيجارة
ويتنفس تنفس السعداء انه قد لاقى عشقه في الصباح
الان يمكننا القول انه اصبح بامكانه ان يكون سعيدا طوال النهار والان بعد تفكير وتدخين يدوم لمدة نصف ساعة او اكثر يفكر في ان يرمي بعض من الماء على واجهه (الصلاة والوضوء مستبعد)
وننتقل الى المظهر الاخر يبدا الشخص في اجراء اتصالاته المهة بعد ان يكون قد حان اذان المغرب
والتداول في امور الامة المهمة
وهذه الامور اين هي الهسرة اليوم
ومن هم اعضاء السهرة
ومانوع الورق الذي سنلعبه اليوم
فهناك عدة انواع من لعب الورق مثلا العب المتداول في الفرقلس (لعبة التركس ,والعبة الشهيرة(المرك) والتي هي العبة الغنية عن التعريف في مجتمعنا , والعبة الاخيرة الاكثر اهتمام وهي الطرنيب ) ثم ينطلق الشخص في ساعة محددة الى السهرة وما ادراك ما ذا سيحصل في هذه السهرة الجذابة والجميلة والتي تعد احدى اجمل مظاهر الحياة في واقعنا الجذاب حيث يكون محور السهرة غالبا عن طريقة لعب الورق البارحة وكيف سنتلافى الاغلاط التي حصلت البارحة ومن ثم فجاة بعد صمت وتركيز في العب تبدا الحرب الداخلية فجاة التي عبارة عن حرب تحدث فجاة بين اطراف العب من دون سبب او ربما لغلط احدهم في لعب ورقة ما واحيانا تتطور الامور الى تدخل اعضاء خارجين عن العبة لحل هذا النزاع الاقليمي ومن ثم يحل بعد مئة بوسة ذقن ويعودون الى حلمهم الازلي في العب
هذه مظاهر قلة من مظاهر كثيرة
نرجو الاستمتاع واخذ الخبرات منهها

وشكرا لقرائتكم

صحيح ما قلت
و الله يعطيك العافية بس شو الحل

كلامك صحيح بس لازم تنقل عن اهل بلدك ما هو جيد و كويس ولاتنقل الاخبار الوحشة

اولا شكرا عالمداخلة

الزلمة عم يحكي الواقع:oops:
هات واقع احسن ليكتب احسن:roll:

احسنت يا طلال...على الاقل بلشنا نفكر وين نحنا

شئ بخجل والله مو من الكاتب يا طلال من اهل البلد

ماشي يعم كلامك صحيح بس احنا لازم نعمل صحوة بالبلد ولاانا غلطان يعني مو لازم اعمل يأس من الاول لازم اشجع أهل بلدي على انهم يكونوا افضل من هيك

شو طلال ليه ما عم تحكينا عالنت

كلامك صحيح
بس بدون ما ننتقد نفسنا مارح يمشي الحال
لازم نعرف وين نحنا و لوين بدنا نمشي
اما بدون ما نعرف وين نحنا مارح .............الخ

هههههههه
شلون اخي ابو محمد من الكاتب
طبعا انا الي كاتبه
يعني حقيقة لازم يكل يعترف فيها
ولا انا غلطان

لا والله بقول ان فعل اهل البلد بخجل اما انت تنقل الواقع الله يجزيك الخير

والله يا طلال الله يسترنا من الحلقات القادمة بس روح ولا يهمك أني معك بس ما لازم تذكر السلبيات بس.. اذكر الإيجابيات والسلبيات طبعا ...
عشان ما نكون متحيزين لانو ديننا دين الوسط ولا شو ..
و وفقك الله ...
تقبل مروري ...

دمجت الموضوعين مسيو طلال
بعد اذنك
كنت حاطط واحد بالاخبارو الثاني بالمنوعات:( يخيي يعني من حلاوة الموضوع ماعرفت وين تحطو <<<مزحة

عم نستنى الحلقة الثاني بفارغ الصبر

بس لازم نعرف هالمسلسل كم حلقة

والله لوين بنوصل الله اعلم
خليها على التوكل

انا ما راح قول انو كلامك مو صح لكن كلامك اقرب للعموم
وكأنو كل البلد عاملة هيك يعني
بعدين بتمنى منك تنو يكون طريقة التوضيح بعيدة عن الذم او السخرية
بحيث اذا كان القارئ هو من هذا النوع يحاول بمساعدتك انو يتلافى الأمور السلبية
اللي طرحتها
اما انك تنمي روح العدائية عندو فهذا الكلام غلط وانت شب اوعى من هيك
بعدين في كثير امور اهم من هذا الموضوع كونو الموقع جديد
لحتى الضيوف ما ينفرو من الموقع
يعني انا قصدي النقد يكون بنّاء
مو على اساس نقل الخبار السلبية بالبلد (مع احترامي الك طبعا)
بعدين ممكن يكون شخص كان هيك سابقا وحاليا غير وضعو
وصار انسان مساهم بمجتمعه
اكيد انت هون حركت عندو الشعور اللي كان لازم يموت
ونحن شباب وبنفهم على بعضنا طلال
ولا تآخذني بهالكلمة (اللي بيتو من قزاز ما لزم يطارح حدا )
ونحن حارتنا ضيقى وبنعرف بعضنا ( قبل ) وهلق
وبتمنى تكون فهمت كلامي صح وكمان اللي عقبو على موضوعك انو يشيلو الصداقة على جنب ويكون الرأي هو الرأي الحقيقي مو بقصد المجاملة وما تفهمو غلط
وان شاالله ظهورك بكون على مواضيع ايجابية لنو ما حلو ننشر غسيل بعضنا
خلاصة كلامي انو انت تقدر كل الطبقلت ومستوى تفهمهم لطرح المواضيع
مع كامل احترامي للجميــــــــــــــــــــع

000000000000000000000000 أخوكم أبو مهند

طيب مشكور ابو مهند
يعني فيك تقلي انو هذا الشي مو موجود
طبعا الي مو من هل النوع ما بيد ايق وانا ما قلت كل العالم عاملة هيك انا قلت (من)
بس دائما بنحب نذكر الشيء الايجابي ونبعد عن السلبي ليش بعدين انا واحد من هل البلد بغار على اهل بلدي اكثر منك ومن غيرك
وانا بيتي مو من قزاز ولا بحب ارمي حدى بحجاري واذا ما انتقدت نفسك وعرفت اخطاءك ما بنصلح

ونحنا بدنا ونحنا هون عم نقاش هل المظهر وبدنا من المشاركين يعطو حلول واسباب
وانا براي هذا الشي ما بينمي العداء مثل ما عم تحكي
والشيء الي بينمي العداء اسلوبك بتوجيه الكلام الي
يعني لازم ننقد انفسنا قبل ما ننقد الغير
وانا ما عم انقل اخبار البلد السيئة انا عم احكي بشكل عام
بس اذا صلح الفرد صلح المجتمع
بعدين ممكن توضحلي كيف يعني حارتنا ذيقة يعني شو قصدك بهل الجملة يعني اذا بتعرف عني شغلات مو كويسة اذكرها خلي العالم تقراها وراح كون اول شخص بينقد نفسو يمكن انا ما كون شايف هل الاخطاء بتكسب ثواب وتخبرنياها من شان استفيد منها
امتى بدو يغير وضعو لمى يصير ختيار
والشب هو روح المجتمع يعني هو الي لازم يبني المجتمع
بعدين كلامي لازم ما يزعج احد لانها عادة مو كويسة ولازم نحكي عنها
وكل واحد الو وجهة نظر
بدل ما نهتم بشيء مفيد
بنهتم بلعب الشدة والسهر كل اليل والكفر غير الضغائن الي بتربيها هل العادة وانا عم احكي هيك لاني مريت بهل الفترة وبعرفها كتير كويس يعني عم انقد حالي قبل ما انقد البقية
وانا الي وجهة نظر وهذا راي وما بغيرو
الي عندو اراء وايجابيات غير الي عندي
يحطها بهل المنتدى خلي العالم تقراها وتستفيد وانا راح اكون اول شخص بيقرا هل الموضوع
انا ما بكره يكون اولاد بلدي احسن العالم بلعكس

شكرا الك سيد طلال
انا عم اعتمد طرية النقد البناء
ولازم انت وكل شبابنا يعتمدو هاي السياسة
بس ما في داعي تفهم انو انا عم انتقدك الك بالذات
كان موضوعك بكون احلى لو انك حكيت وقلت عن حالك انك تعرضت أو عشت
هاي المرحلة لحتى اللي عم يعيش هاي المرحلة حاليا يحط حالو بمكانك ويستفيد من أخطاءك يعني يتون انت قدوة الو والحمد لله انك اهتديت
ما كان في داعي انك تخليني قلك حارتنا ضيقى وبنعرف بعضنا لحتى خليتك تقول انا انت مريت بهالمرحلة
بعدين مو كل الشباب اللي بيلعبو ورق بيمضوها على كفر او حساسيات
كثير هيك بس مو الكل
لأنو عنا بالبلد شباب واعي
بس بجوز انت اللي سهرت معهن بلعب الورق هيك
(بس اذا خليت بليت) وكتير شباب بيلعبو ورق بعد تأدية كل واجباتهن
وفروضهن بقصد التسلية فقط وما عملوها شغلة او ادمان
بالعكس في عالم بتلعب ورق بس لحتى تمزح وتفرض جو كتير حلو
وتدرب النفس على التمييز بين الجد واللعب
وانا ما جرحت بكلامي الك انا كررت اكتر من مرة مع (احترامي للكل)
بس صار فيك مثل ما انا ذكرت سابقا يوم قلت
انو بجوز في ناس كانت هيك وهلق بطلت هالعادة بس كلامك حرك فيهن روح العداء
وانت هيك صار معك حركت لحالك روح العداء عند ما انا وجهت خطابك الك
منشان تعرف انو كلامك اذا توجه لغيرك شو بيعمل وانت عرفت شو صار فيك
وانا ملاحظك انو عم تطرأ اكتر من غيرك للمواضيع السلبية
انا معك بس بشرط انو تكون طريقتك بطرح الموضوع (بلا مئاخذة ) أسلس من هيك
بحيث يتفهم كل شخص القصد الصحيح من كلامك ما يميل للعدائية
((( اما بالنسبة انو انت بتغار على ابناء البلد اكثر مني ومن غيري هاي ما حبيتها منك
لازم تتأكد بالأول والدليل انو ما حدا تطرأ وناقشك غير انا مع انو قصدي سليم
والكل شكروك طبعا هدا رأيهن )))
واذا انت مصر مثل ما قلت كمااااااااان هذا رايك وانا ب ح ت ر م و
وبتمنى من باقي الشباب يقر نقاشي انا وياك
(مو منشان حدا يتحيز لحدا لاء اكيد لاء منشان نتوصل للنقطة اللي المنطق بقولها)

وشكرا الك 00000000 ولكل اللي شارك ةبدو يشارك 000000000

000000000000000000000000

ابو مهند
انت عم تنقدني الي على كتابة هل الموضوع
وانت ذكرت وقلت اني عم ننمي روح العدائية وانا مو ضد نقدي بس يكون النقد ضمن اطار الموضوع ما يكون النقد شخصي (مثل جملتك اذا كان بيتك من قزاز لا ترمي حدا بحجارك) )
انا ما ذكرت اسماء اشخاص او حددت
انا ما عم احكي عن اشخاص معينين لحتى اذكر عن حالي وانا شب من هل المنطقة
يعني لما كون عم احكي عن الشباب يعني عم يشملني الحكي وعم يشمل غيري بدون ما قول مريت بهل المرحلة
بعدين انا ما مريت بهل المرحلة متل ما نقلتهاا
اما انو لعبة الشدة هي تسلية ومن شان التمييز بين الجد واللعب يمكن انا بخالفك يعني فيك تقول واحد من مية بيعتبرها هيك وانت بتعرف انها ادماان عند الاغلب ومو متل ما عم تحكي ( مع احترامي الك طبعا )
وانا ما وجهت خطاب الي متل ما عم تقول
انا انتقدت طريقة توجيه الكلام الي
اما اني عم ركز على المواضيع السلبية
كل شخص بحب يختار الموضوع الي بشوفو مناسب وبيحكي عنو
وانا اسلوبي هيك ومابعرف اكتب بسلاسة
واذا يعني شي جملة كتبتها دايقتك ابو مهند نحنا بنعتذر
وشكرا لااهتمامك

ما بعرف انت مصر انك تعتبر كلامي انتقاد
انت يمكنك حابب تفهم تعليقي من الناحية اللي بيفهما اللي بيخسر بلعب الورق
يعني انا ما بنبسط غير اذا خسرت بلعب الورق
هي بالنهاية لعبة وانك تخسر بلعبة هذا كثير جيد لأنك خسرت بلعبة ما خسرت شي
اضافة الى انها قوت عندك الشجاعة للفوز بربح جدي يعني بتجربة حقيقية
يعني حفزت لنجاح ممكن انت تمر فيه بس بجوز ما تنتبه

0انا بحترم رأيك مثل ما بحب الكل يحترمو رأيي بس ما بصر عليه
بالنسبة لإدمان لعب الورق هذا شي بعود لارادة الشخص نفسه
وبعود لأمور أخرى مهمة ما راح اذكرها لأنو اكيد راح تفهمها تجريح
انا هون راح راعي شعورك ما دام انت ما وضحتلك فكرتي
اما انك بتحب تركز على المواضيع السبية لأنك مثل ما قلت هذا اللي بتشوفو مناسب
يا سيدي ركز على ما بتحب اذا انت هيك شايف
مع اني انا مع التركيز على المواضيع السلبة بس مو على طول بس على قدها
ولا بعملها مسلسل يتابعو مشتركين معنا
بس بتمنى انك تكون فهمتني اكثر
اما اني اضايق منك او من غيرك فهذا مستحيل
لأنو انا بحب النقاش الحر زكل انسان يحكي اللي عندو
بس الأهم واللي بحبو اكثر انو نطلع بنتيجة
بس هذا رايك وانا راح أتفهمك


وشكرا كثييييييييييير الك00000


0000000000000 مع تحياتي الحارة وتمنياتي لك بمسلسل جديد وحلقات ممتعة 000

أبو مهند كتب:

انا ما راح قول انو كلامك مو صح لكن كلامك اقرب للعموم وكأنو كل البلد عاملة هيك يعني بعدين بتمنى منك تنو يكون طريقة التوضيح بعيدة عن الذم او السخرية بحيث اذا كان القارئ هو من هذا النوع يحاول بمساعدتك انو يتلافى الأمور السلبية اللي طرحتها اما انك تنمي روح العدائية عندو فهذا الكلام غلط وانت شب اوعى من هيك بعدين في كثير امور اهم من هذا الموضوع كونو الموقع جديد لحتى الضيوف ما ينفرو من الموقع يعني انا قصدي النقد يكون بنّاء مو على اساس نقل الخبار السلبية بالبلد (مع احترامي الك طبعا) بعدين ممكن يكون شخص كان هيك سابقا وحاليا غير وضعو وصار انسان مساهم بمجتمعه اكيد انت هون حركت عندو الشعور اللي كان لازم يموت ونحن شباب وبنفهم على بعضنا طلال ولا تآخذني بهالكلمة (اللي بيتو من قزاز ما لزم يطارح حدا ) ونحن حارتنا ضيقى وبنعرف بعضنا ( قبل ) وهلق وبتمنى تكون فهمت كلامي صح وكمان اللي عقبو على موضوعك انو يشيلو الصداقة على جنب ويكون الرأي هو الرأي الحقيقي مو بقصد المجاملة وما تفهمو غلط وان شاالله ظهورك بكون على مواضيع ايجابية لنو ما حلو ننشر غسيل بعضنا خلاصة كلامي انو انت تقدر كل الطبقلت ومستوى تفهمهم لطرح المواضيع مع كامل احترامي للجميــــــــــــــــــــع 000000000000000000000000 أخوكم أبو مهند

بالله عليكو شوفولي هالرد المثبط اللي بيخلي الواحد يحررم يكتب بين هيك اعضاء

يعني الزلمة ما اجى لعندك و قلك انت هيك

و لا قال انو كل شباب الفرقلس هيك

بس قلك معظمهم


لكن بعد سنة من انشاء المنتدى و مرور هذا التاريخ على مثل هكذا مشاركة


لاحظنا وجود تطور كبير في مستوى تفكير الشباب الفرقسلي

بعدما اصبح معظمه يعمل في الغاز

حلوة اخ طلال بدنا كمان