اني شاب من شباب الفرقلس عشت فيهاايام حلوة وايام صعبة ومر على راسي كثير ومع ذلك بلدي بحبها وبموت منشانها والله وعمري 32 وبالرغم من انو عمري موكبير كثير حسيت انو الفرقلس تغيرت كثير بس ماني عرفان للاحسن ولا للاسوأ يعني اول كانت الناس بتحب بعضها وكان في احترام متبادل ومراعاة لشعور الغير وماكان في حسد وحقد مثل هلق يعني اذا توفى واحداول كانت البلد كلها تزعل وتنقطع الافراح لفترة حتى ينسى اهل الميت شوي وكان اللي بدو يعمل فرح يجي يستازن اهل الميت من شان يسوي فرحو وكان اهل الحارة اللي منها الميت حتى مايسوو قراص العيد مواساة لاهل الميت هلق بموت الواحد هون وجيرانو بيحتفلوا بعد كم بيت عنو شويعني ماظل تقدير كانت الناس اذا وقع واحد من البلد بمصيبة مايعرف منوين تجي المساعدة هلق منستنى ليقع واحد بمصيبة مشين نلاقي سولفة نسولف بيها ومشين نشمت كمان خرجو الله لايردوا منرفقها بدعوة كمان كان في حب وتعاون واسالو الاهل كم عيلة كانت تجتمع عالبيدر الواحد حتى يخلصو صحابو بسرعة كانت كل كذا عيلة تسلق الحنطة سوا مشين البرغل ومايظل بيت بالحارة الا يوصلو شوية سليقة ذوق من عنا كانت الناس تحس بالفقير وتساعدو وهلق في خير وفي تبرعات بس في عنا احسن ونحنا بدنا الاحسن كان كل عيلة في الها كبير بتسمع كلمتو واذا قال كلمة كلو بيلتزم هلق بدك تقنع الصغير قبل الكبير كان في جهل بس كانت العادات حلوة هلق صار في علم بس الامور ماتحسنت اول كان الحكي قليل بس الفعل كثير كبير هلق الحكي كثير بس الفعل قليل كثير طبعا هالحكي مابينفي دور الخيرين اللي عميسعو ليحسنو البلد بس هني قليلين ولوحدهو مابسووا شي اذا ماتكاتف اهل البلد كلهو معهو واني من مكاني هلق بقطر بشكر الشيخ ابويعقوب والقائمين معو بجمعية البر على الدور الكبير اللي عم يقومو بيو ليحثوا الناس على فعل الخير وحتى يظهروا الفرقلس بصورة احسن وتكون بلدنا مثال ناصع لكل البلدات الاخرى

عالخير يا عماد

بس شكلها راحت عغير رجعة

صار الواحد بدو يحبق عريشاتو مو غدران

الناس فاتت بالحيطان من كثر المشاكل والقلاقل